Baş məşqçi "İnter"ə 0-5 uduzan futbolçularını bazaya qapadı

İtaliyanın "Verona" klubunun baş məşqçisi Paolo Zanetti A Seriyasının 13-cü turunda "İnter"ə məğlubiyyətdən (0:5) sonra oyunçularını təlim-məşq bazasında bağlamaq qərarına gəlib.

BAKU.WS xəbər verir ki, "Verona"nın rəsmi saytı məlumat yayıb.

"Düşünürəm ki, mənim oyunçularımın başında səhv olan nə isə var və onu həll etmək lazımdır. Buna görə də, məqbul oyun səviyyəsinə nail olana qədər biz qeyri-müəyyən müddətə bazada bağlı qalırıq".

Qeyd edək ki, Milan "İnter"i 28 xalla İtaliya çempionatının turnir cədvəlində üçüncüdür. "Verona" 12 xalla 14-cü yerdədir.

Növbəti matçda "Verona" "Kalyari" ilə qarşılaşacaq, oyun noyabrın 29-da baş tutacaq.