Bakıda təşkil olunacaq "UFC Fight Night"la bağlı DETALLAR

İyunun 21-də ilk dəfə Bakıda təşkil olunacaq "UFC Fight Night"la bağlı bütün detallar açıqlanıb.

BAKU.WS xəbər verir ki, gecədə əsas və ilkin kartın hərəsində 6 olmaqla, ümumilikdə 12 döyüş baş tutacaq.

"Baku Crystall Hall"da keçiriləcək yarışda oktaqona öncə saat 20-dən etibarən ilkin kartın iştirakçıları çıxacaqlar.

Saat 23-də isə əsas kartda mübarizəyə start veriləcək.

Yerli publika önündə 3 azərbaycanlı - Rafael Fiziyev, Nazim Sadıxov və bu yaxınlarda UFC ilə müqavilə bağlamış Tofiq Musayev döyüşəcəklər.