Bakıda idman zalının tikintisi üçün 1,6 milyon manat ayrıldı

Gənclər və İdman Nazirliyi Qaradağ rayonu, Qobustan qəsəbəsində yerləşən idman zalının tikintisi işlərinin davam etdirilməsi üçün yeni tender elan edib.

BAKU.WS-in əldə etdiyi məlumata görə, tenderin dəyəri 1 milyon 619 min manat olaraq müəyyən edilib.

Layihə çərçivəsində obyektin rabitə və siqnalizasiya sistemlərinin, o cümlədən televiziya, telefon və mikrofon xətlərinin çəkilməsi, həmçinin tv yuvalı rozetkaların və metal konstruksiyaların quraşdırılması nəzərdə tutulur.

Bu layihə Qaradağ rayonunda gənclərin idmana cəlb olunması, idman infrastrukturlarının gücləndirilməsi və sağlam həyat tərzinin təşviqi məqsədi daşıyır.