Azərbaycanlı idmançı İstanbulda kəmər döyüşünə çıxacaq - FOTO

Azərbaycan kikboksinq milli komandasının üzvü Elxan Əliyev peşəkar döyüşə çıxacaq.

BAKU.WS "Oxu.Az"a istinadən xəbər verir ki, o, yanvarın 28-də Türkiyənin İstanbul şəhərində KOK (King of Kings) təşkilatının çempionluq kəməri uğrunda döyüşəcək.

75 kq çəki dərəcəsində döyüşəcək Elxan Əliyevin rəqibi iranlı Məsud Minae olacaq. Döyüş kikboksinqin K-1 versiyası üzrə keçiriləcək.

Bu münasibətlə Azərbaycan Kikboksinq Federasiyasının prezidenti Orxan Əliyev bu gün idmançımız və yığma komandanın baş məşqçisi Elşən Abdulrəhimovla görüşüb, onlara qarşıdakı döyüşdə uğur arzu edib.

Qalereya