DÇ-2026: Azərbaycan səfərdə Ukrayna millisinə məğlub olub

Azərbaycan millisi DÇ-2026-nın seçmə mərhələsinin oyununda səfərdə Ukrayna ilə qarşılaşıb.

Krakovdakı "Krakoviya" stadionunda keçirilən matç rəqib komandanın 2:1 hesablı qələbəsi ilə bitib.

Ukraynalıların heyətində Aleksey Quçulyak (30) və Ruslan Malinovski (64) fərqləniblər. Yığmanın yeganə qolu isə rəqibin heyətində Vitali Mikolenkonun ayağına yazılıb. O, 45+3-cü dəqiqədə avtoqol müəllifi olub.

Qeyd edək ki, Fransa millisi 10 xalla D qrupunun lideridir. Ukrayna 7 xalla ikinci pillədə qərarlaşıb. 4 xalı olan İslandiya üçüncü, 1 xala malik Azərbaycan sonuncudur.

***00:11

Oyunda üçüncü qol vurulub.

Ukrayna millisinin heyətində 65-ci dəqiqədə Ruslan Malinovski fərqlənib - 2:1.

***23:31

DÇ-2026-nın seçmə mərhələsinin Ukrayna - Azərbaycan oyununda hesab bərabərləşib.

Krakovdakı "Krakoviya" stadionunda keçirilən matçda yığmamız bərabərlik qolunu vurub -1:1.

45+3-cü dəqiqədə Nəriman Axundzadə "status-kvo"nu bərpa edib.

***23:15

DÇ-2026-nın seçmə mərhələsinin D qrupunda Ukrayna - Azərbaycan matçında hesab açılıb.

Rəqim komanda hesabda önə keçib.

***22:45

DÇ-2026-nın seçmə mərhələsinin D qrupunda Ukrayna - Azərbaycan matçına start verilib.

BAKU.WS xəbər verir ki, qarşılaşma Krakovdakı "Krakoviya" stadionunda keçirilir.

Matçı avstriyalı baş hakim Sebastyan Qishamer idarə edir.