Azərbaycan karateçiləri Avropa Kubokunda 1 qızıl və 1 gümüş medal qazanıblar

Azərbaycan idmançıları Belçikanın Antverpen şəhərində keçirilən fullkontakt kyokuşin karate üzrə ll Avropa Kubokunda 1 qızıl və 1 gümüş medal qazanıblar.

BAKU.WS "Report"a istinadən xəbər verir ki, bütün görüşlərini qələbə ilə başa vuran Əliqismət Həsənov fəxri kürsünün ən yüksək pilləsinə qalxıb.

Həlledici görüşdə məğlub olan Anar Bağırov isə gümüş medalla kifayətlənib.

Qeyd edək ki, hər iki karateçi göstərdikləri uğurlu çıxışla dünya çempionatına vəsiqəni təmin ediblər.