Avropa Liqası: “Qarabağ” ilk “10-luq”da yer alıb - FOTO

UEFA Avropa Liqasının qrup mərhələsində iştirak edən və formada olan komandalar açıqlanıb.

BAKU.WS xəbər verir ki, bu barədə yarışın rəsmi tviter hesabında paylaşım edilib.

“10-luq”da Azərbaycan təmsilçisi “Qarabağ” da yer alıb.

Siyahı yerli çempionat və Avropa Liqasının nəticələrinə əsasən tərtib olunub. “Köhlən atlar” keçirdiyi son 5 qarşılaşmanın 4-də qələbə qazanıb, 1-də isə məğlub olub.

Qeyd edək ki, “Qarabağ” sentyabrın 15-də UEFA Avropa Liqasının qrup mərhələsinin II turunda Fransa “Nant”ını qəbul edəcək.