2026-cı il Olimpiya oyunlarının ilk qalibi məlum oldu

İsveçrəli dağ xizəkçisi Franyo fon Allmen İtaliyanın Bormio şəhərində keçirilən Olimpiya oyunlarında sürətli eniş yarışında qızıl medal qazanıb.

BAKU.WS Oxu.az-a istinadən xəbər verir ki, qalib 1 dəqiqə 51,61 saniyə nəticəsini göstərib. İkinci yeri italiyalı Covanni Frantsoni, üçüncü yeri isə italiyalı Dominik Paris tutub.

24 yaşlı fon Allmen 2025-ci ildə ikiqat dünya çempionu olub və həmin turnirdə sürətli enişdə və komanda kombinasiyasında qalib gəlib.

İdmançılar İtaliyada keçirilən Olimpiya oyunlarında ilk medal dəsti uğrunda mübarizə aparıblar. Oyunlar fevralın 22-də başa çatacaq. Ümumilikdə 116 medal dəsti oynanılacaq.