17 yaşlı qıza sevgi etirafı edən Benzema tənqid atəşinə tutulub

Hazırda "Əl-İttihad"da çıxış edən "Real Madrid"in keçmiş hücumçusu Kərim Benzema yenə qalmaqala səbəb olub.

BAKU.WS Oxu.Az-a istinadən xəbər verir ki, bu dəfə Benzemanın yetkinlik yaşına çatmayan qıza mesaj yazdığı ortaya çıxıb.

Söhbət 17 yaşlı musiqiçi Lil Taydabdan gedir. Gənc qız Benzemanın "Instagram"da onunla mesajlaşdığını açıqlayıb.

"Youtube"da yayımlanan müsahibə zamanı ondan Benzema haqqında soruşublar. Lil Taydab belə cavab verib: "O mənim mesaj qutumdadır".

Qeyd edək ki, onun "Instagram"da 5 milyondan çox izləyicisi var.