Yusif Vəliyev: "YayFest 2026 Azərbaycanın ən irimiqyaslı gənclər festivalıdır"

"Bu gün Azərbaycanın həm iştirakçı sayına, həm də keçirilmə müddətinə görə ən irimiqyaslı layihəsi olan YayFest 2026-ya start verililir".

BAKU.WS xəbər verie ki, bunu Gənclər Fondunun icraçı direktor vəzifəsini icra edən Yusif Vəliyev bildirib.

Onun sözlərinə görə, YayFest və ümumilikdə səkkiz həftə ərzində təşkil olunacaq düşərgələrdə iki mindən artıq gəncin iştirakı nəzərdə tutulub:

"Bu, yalnız açıq havada keçirilən düşərgə formatı deyil, eyni zamanda dövlət gənclər siyasətinin əsas prioritetlərini təşviq edən bir platformadır.

Ümumilikdə gənclər burada ekspertlər tərəfindən təlimlər alacaq, asudə vaxtlarını səmərəli təşkil edəcək, birlildə komanda ruhunun formalaşdırılması istiqamətində fəaliyyət göstərəcəklər. Eyni zamanda əsas məqsədimiz onların həm şəxsi, həm də peşəkar inkişafına dəstək olmaq və dövlətçilik ənənələrini təşviq etməkdir".

Yusif Vəliyev əlavə edib ki, YayFest-in builki konsepsiyası süni intellekt və rəqəmsal transformasiyaya həsr olunub:

"Səkkiz həftə ərzində müxtəlif dövlət qurumlarının rəsmi nümayəndələri tərəfindən bu mövzular ətrafında da gənclərimizlə görüşlər keçiriləcək".