Yeni Günəşli sakinləri səs-küydən ŞİKAYƏT EDİR

Paytaxtın Suraxanı rayonunda vətəndaşlar onları təngə gətirən səs-küydən şikayət edir.

Bu barədə BAKU.WS-in "Qaynar xətti"nə görüntülər daxil olub.

Rayonun Yeni Günəşli qəsəbə sakinləri bildirir ki, yaxınlıqda yerləşən restoranın səsi onları narahat edir.

Axşam 23:00 radələrində başlayan musiqi səsi səhərə qədər davam edir ki, bu da oradakı əhalinin haqlı narazılığına səbəb olur.

Sakinləri sadəcə restorandan gələn səs yox, həm də yaxınlıqdakı tikinti ərazisindən gələn səs-küy narahat edib. 

Onlar bildirir ki, artıq sözügedən ünvanda səs-küydən yaşamaq qeyri müşkül məsələyə çevrilib. 

Həmin kadrları təqdim edirik: