Yararsız vəziyyətə düşmüş qaz sayğacının dəyişdirilməsi kimin hesabına həyata keçirilir?

İstehlakçının təqsiri olmadan qaz sayğacı yararsız vəziyyətə düşdüyü zaman sayğacın dəyişdirilməsi və quraşdırılması mövcud qanunvericiliyə uyğun olaraq həyata keçirilir.

BAKU.WS-in məlumatına görə, Enerji Məsələlərini Tənzimləmə Agentliyinin Enerji tənzimləmə və monitorinq departamentinin direktor müavini Malik Muradzadə AZƏRTAC-a bildirib ki, “Qazdan istifadə Qaydaları”na əsasən, istehlakçı məişət qaz qurğularının istifadəçisi olduğu zaman qaz sayğacı qaz paylayıcısının vəsaiti hesabına aparılır.

İstehlakçı sənaye qaz qurğularının istifadəçisi olduqda isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir.