Vitaminlərin həkim nəzarəti olmadan qəbulu sağlamlığa zərər verə bilər

Mütəxəssislər xəbərdarlıq edir ki, vitaminləri həkim məsləhəti olmadan qəbul etmək sağlamlıq üçün təhlükə yarada bilər.

BAKU.WS xəbər verir ki, onların sözlərinə görə, artıq qəbul edilən bəzi vitaminlər orqanizmdə yığılaraq fəsadlara səbəb ola bilər.

Məsələn, A və D vitamini həddindən artıq qəbul edildikdə qaraciyər və böyrəklərdə problemlər yarada, kalsiumun yığılmasına səbəb ola bilər. E vitamini yüksək dozalarda qanaxma riskini artırır, C vitamini isə mədə-bağırsaq pozuntularına səbəb ola bilər.

Ekspertlər həmçinin ilin fəsillərinə uyğun vitamin qəbulunu tövsiyə edir:

-Payız-qış: D vitamini çatışmazlığını kompensasiya etmək üçün qəbul edilə bilər, çünki gün işığı azalır.

-Yaz-yay: C vitamini və antioksidantlar immuniteti gücləndirmək üçün faydalıdır.

-Bütün il boyu: B qrupu vitaminləri enerji və sinir sisteminin dəstəyi üçün qəbul edilə bilər.

Həkimlər vurğulayır ki, vitaminlərin istifadəsi yalnız qan analizləri və fərdi ehtiyac nəzərə alınmaqla olmalıdır. Həkim nəzarəti olmadan vitamin qəbulu sağlamlıq problemlərinə yol aça bilər.