"Vəd verən çox olsa da, addım atan yoxdur" - Qəbələdə kənd sakinləri problemlərdən ŞİKAYƏT ETDİLƏR

Qəbələ rayonunun Kürd kəndinin sakinləri yol, işıq və su təminatı ilə bağlı problemlərin həll olunmamasından şikayətçidirlər.

Baku TV-nin məlumatına görə, kənddəki infrastrukturun bərbad olması vətəndaşların gündəlik həyatlarını çətinləşdirib.

Sakinlərdən biri mövcud vəziyyətlə bağlı narazılığını dilə gətirib.

"Əsas problemimiz yol, su və işıqla bağlıdır. Yayda toz-torpaq çox olur. Qışda isə yolların yararsızlığından uşaqlarımız məktəbə gedə bilmirlər. Dəfələrlə aidiyyəti qurumlara müraciət etmişik. Vəd verən çox olsa da, addım atan yoxdur", - deyə, o söyləyib.