Valideynlərin NƏZƏRİNƏ - Xəstəlikdən sağalan uşaq məktəb və bağçaya bu halda getməlidir

Pediatrlar və infeksionist həkimlər valideynlərə uşaqlarının xəstəlikdən sonra uşaq bağçasına qayıtmasına ciddi yanaşmağı tövsiyə edirlər.

BAKU.WS xəbər verir ki, rusiyalı infeksionist Yelena Meskina ailəni və ətrafdakıları qorumaq üçün əsas qaydaları açıqlayıb.

Mütəxəssisin sözlərinə görə, tibbi normalara əsasən, uşağın xəstəliyin başlanğıcından etibarən ən azı bir həftə evdə qalması vacibdir. Məqsəd infeksiyanın digər uşaqlara yayılmasının qarşısını almaqdır.

Bəzi infeksion xəstəliklər - məsələn, streptokokk infeksiyası 21 günədək təcrid olunma müddəti tələb edir. İmmuniteti zəif olan və ya xroniki xəstəlikləri olan uşaqlar isə bir ay və daha uzun müddət evdə qala bilər.