Uşaq sahibi olmaq üçün xəstəxanaya getdi, həyatının şokunu yaşadı - 16 il əvvəl...

Türkiyənin Dənizli vilayətində yaşayan azərbaycanlı qadın xəstəxanada rentgen müayinəsi zamanı həyatının şokunu yaşayıb.

BAKU.WS Türkiyə mətbuatına istinadən xəbər verir ki, 38 yaşlı S.Ş. uşaq sahibi olmaq üçün üz tutduğu xəstəxanadan tikiş iynəsiylə yaşadığını öyrənib.

Cərrahiyyə əməliyyatı ilə qadının sidik kisəsinə yapışmış iynə xaric edilib. Həkim iynənin həyati orqanları zədələmədiyini bildirib.

S.Ş. iynəni 16 il əvvəl udduğunu söyləyib:

"22 yaşımda bilmədən iynə uddum. Tez xəstəxanaya getdik. Mənə həkimlərin çoxlu kartof yeyəcəyim təqdirdə iynənin özünün çıxacağını dedilər. Bir müddət sonra yenidən xəstəxanaya getdim. Həkimlər iynənin bədənimdən çıxdığını dedilər. Mən də həyatıma davam etdim. Ancaq qarnım tez-tez bərk sancırdı".