Türkiyə şirkətinə Ağdam Sənaye Parkınının rezidentliyi statusu verilib

Türkiyə kapitallı "Asilsoy" MMC-yə Ağdam Sənaye Parkının rezidenti statusu verilib.

BAKU.WS Oxu.Az-a istinadən xəbər verir ki, müəssisədə tava və qazan istehsalı həyata keçiriləcək. İnvestisiya dəyəri 10 milyon manat olan müəssisədə 100 nəfər işlə təmin ediləcək.

İstehsal olunan məhsulların daxili bazara satılması ilə yanaşı, ixracı da nəzərdə tutulur.

Qeyd edək ki, "Asilsoy" Türkiyədə metal mətbəx əşyalarının istehsalı sahəsində aparıcı şirkətlərdən biridir. Şirkət tərəfindən istehsal edilən məhsullar müxtəlif sifarişçi marka ("Karaca", "Schafer") adları ilə 15-dən çox ölkəyə ixrac edilir.