Turistlərin çirkləndirdiyi Qələbin şəlaləsinin ətrafı tullantılardan təmizlənib - RƏSMİ

Lerikdə Qələbin şəlaləsinin ətrafı tullantılardan təmizlənib.

BAKU.WS report-a istinadən xəbər verir ki, bu barədə Lerik Rayon İcra Hakimiyyətindən bildirilib.

Bildirilib ki, bir müddət əvvəl həmin sahə əraziyə gələn turistlər tərəfindən tullantılarla çirkləndirilib: "Əraziyə meşə mühafizəsi və bərpası müəssisəsinin əməkdaşları cəlb olunub və sözügedən tullantılar yığışdırılıb".

Qeyd edək ki, sosial şəbəkələrdə Qələbin şəlaləsinin yerləşdiyi ərazinin müxtəlif tullantılarla çirkləndirilməsi ilə bağlı görüntülər yayılıb.