"Formula-1” ilə əlaqədar paytaxtın mərkəzi yollarının bir hissəsi daraldılacaq

İyunun 4-6-da Bakıda keçiriləcək növbəti "Formula-1" üzrə Azərbaycan Qran-prisinə hazırlıq işləri sürətlə davam edir.

Bakı Şəhər Halqası Əməliyyat Şirkətindən (BŞH) BAKU.WS-ə verilən məlumata görə, görülən hazırlıq işləri ilə əlaqədar olaraq Üzeyir Hacıbəyov küçəsinin Azadlıq prospekti ilə və həmçinin Azadlıq prospektinin Zərifə Əliyeva küçəsi ilə kəsişdiyi yerlərdə yolun hərəkət hissəsi mayın 27-i, gecə saatlarından etibarən sol tərəfdən iki zolaq qədər daraldılacaq.

"Sürücülərdən xahiş olunur ki, hazırlıq işlərinin aparıldığı yerlərdə avtomobillərini parklamasınlar. Göstərilən anlayışa görə əvvəlcədən təşəkkür edirik", - deyə məlumatda bildirilir.