Sərt pəhrizlər arıqlamağa kömək etmir, əksinə, orqanizmə zərər vurur

Diyetoloq Natalya Mizinova bildirib ki, kəskin kalori məhdudiyyəti və balanssız qidalanma arıqlamağa mane olur. Onun sözlərinə görə, bir çox insan yalnız kalori çatışmazlığına diqqət edir, lakin qidanın keyfiyyətinə fikir vermir.

BAKU.WS xəbər verir ki, mütəxəssis qeyd edib ki, bəziləri gündəlik kalori miqdarını azaltsa da, orqanizmi zəruri zülal, yağ, vitamin və mikroelementlərdən məhrum edir. Bu isə maddələr mübadiləsini zəiflədir və sağlamlıq üçün risk yaradır.

Mizinova əlavə edib ki, insanların arıqlamaq üçün etdiyi ən böyük səhv qəfil pəhrizə başlamaqdır. Onun fikrincə, sağlam arıqlama tədricən qidalanma vərdişlərini dəyişməklə mümkündür.