Sentyabrda 20 milyona yaxın sərnişin metrodan istifadə edib

Bakı Metropoliteni sentyabr ayında 19 milyondan çox sərnişin daşıyıb.

BAKU.WS xəbər verir ki, bu barədə "Bakı Metropoliteni" QSC məlumat yayıb.

34 cüt qatar sxeminə keçidlə "28 May"-"Əhmədli" sahəsində pik saatlarda interval 1 dəqiqə 45 saniyəyə endirilib.

Nəticədə, ay ərzində metro tarixində ikinci ən böyük sərnişindaşıma göstəricisi də qeydə alınıb.

Ayın ən çox sərnişin qəbul edilən günü 15 sentyabr - 891 856 nəfər olub. Ən sakit gün isə 7 sentyabr - 405 892 nəfər olub.

Bu statistika bir daha göstərir ki, sərnişinlər metroya üstünlük verirlər.