Qışda xəstələnmək istəmirsinizsə bu 3 qidanı süfrənizdən əskik etməyin

Sağlam həyatla bağlı açıqlamaları ilə tez-tez gündəmə gələn türkiyəli mütəxəssis Canan Karatay qışda immun sistemini gücləndirməyə dəstək verən 3 qidanı açıqlayıb.

BAKU.WS Türkiyə KİV-ə istinadən sözügedən qidaları təqdim edir:

Qış tərəvəzləri

Xəstəliklərin qış aylarında daha çox rast gəlindiyinə diqqət çəkən Karatay qış tərəvəzlərinin xüsusilə bu mövsümdə istehlak edilməsi lazım olduğunu bildirib. Kələm, brokoli, ispanaq kimi qış tərəvəzləri süfrələrdən əskik olmamalıdır.

Turşu

Canan Karatay həmçinin qış aylarında turşuların güclü bir xəstəlik profilaktikası olduğunu bildirib. Onun sözlərinə görə, Türkiyədə xəstəliklərin yaranmasının əsas səbəblərindən biri bağırsaqlarda işləmə qaydasının olmamasıdır. Bu problemi həll etmək üçün mütəxəssis həkim turşu istehlakını artırmağı tövsiyə edir. Canan Karatay bol turşu istehlakının bədəni qələvi etdiyini, yəni orqanizmdə pH balansını qoruduğunu bildirib.

Zeytun yağı

Mütəxəssis həkim Canan Karatay həmçinin xərçəng əleyhinə xüsusiyyətlərə malik olan zeytun yağının qış aylarında bol istehlak edilməsi lazım olduğunu bildirib.

Canan Karatay soyuq sıxılmış zeytun yağının daha sağlam olduğunu və qış aylarında üstünlük verilməli olduğunu deyib. Canan Karatay zeytun yağının bədənə təpədən dırnağa qədər müsbət təsir etdiyini vurğulayıb.