Qadınlara qarşı əxlaqsız təkliflər edən taksi sürücüləri məsuliyyətə cəlb edildi

Qadın sərnişinlərə qarşı qeyri-etik təkliflər edən 8 taksi sürücüsü məsuliyyətə cəlb edilib.

Bu barədə BAKU.WS-ə DİN-in Mətbuat xidmətindən məlumat verilib.

Belə ki, paytaxtda polis əməkdaşları tərəfindən keçirilən tədbirlər nəticəsində müxtəlif taksi şirkətlərinin sürücüləri tərəfindən 9 hüquqpozma faktı aşkar olunub.

Onlardan 1-i dələduzluq cinayəti, 8 fakt isə qadın sərnişinlərə qarşı qeyri-etik təkliflərlə bağlı olub.

Texniki vasitələrlə aşkarlanan hüquqpozma halları ilə bağlı 8 sürücü inzibati məsuliyyətə, 1 sürücü isə cinayət məsuliyyətinə cəlb edilib.

"Bu istiqamətdə polis əməkdaşları tərəfindən tədbirlər davam etdirilir, daxil olan bütün müraciətlərə çevik reaksiya verilir", - DİN-in məlumatında bildirilib.