Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Dövlət Turizm Agentliyi jurnalistlər üçün Palçıq Vulkanları Turizm Kompleksinə mediatur təşkil edib.

BAKU.WS xəbər verir ki, Palçıq Vulkanları Turizm Kompleksi Azərbaycanın unikal təbiət möcüzələrindən biri olan palçıq vulkanlarının təbliği və qorunması məqsədilə yaradılıb.

Kompleksdə ziyarətçilər vulkanların yaranma prosesi, geoloji xüsusiyyətləri barədə interaktiv formada məlumat əldə edə bilirlər. Muzeydə foto və video materiallar, maketlər, həmçinin nadir vulkan nümunələri nümayiş olunur. Burada həm yerli, həm də xarici turistlər üçün maarifləndirici turlar təşkil edilir. Palçıq Vulkanları Turizm Kompleksi regionun ekoturizm potensialını artıran mühüm layihələrdən biri hesab olunur.

Sözügedən kompleksdən fotoları təqdim edirik:

Qalereya

Müxbir: Şahanə Xankişiyeva

Foto: Təranə İbrahimova