MİDA Sarayda 3 milyona yeni uşaq bağçası TİKƏCƏK

Abşeron rayonunun Saray qəsəbəsində yeni uşaq bağçasının tikintisi planlaşdırılır.

BAKU.WS-in məlumatına görə, "MİDA" MMC tərəfindən 4,5 hektar ərazidə 80 yerlik, iki mərtəbədən ibarət uşaq bağçasının inşası nəzərdə tutulur.

Layihənin ehtimal olunan dəyəri 3 milyon 17 min manat təşkil edir. Müsabiqə sənədlərinə görə, tikinti işləri çərçivəsində ilk növbədə ərazidə geniş torpaq-qazıntı işləri aparılacaq.

Qeyd edək ki, layihənin həyata keçirilməsi Saray qəsəbəsində məktəbəqədər təhsil infrastrukturunun genişləndirilməsinə və uşaqların bağça xidmətlərinə çıxış imkanlarının artırılmasına xidmət edəcək.