Məhkəmə Ekspertizası Mərkəzinin inzibati binası TƏMİR OLUNACAQ

Ədliyyə Nazirliyinin Məhkəmə Ekspertizası Mərkəzi Xaqani küçəsi 24 ünvanında yerləşən inzibati binasında cari təmir işlərinin görülməsi üçün satınalma müsabiqəsi elan edib.

BAKU.WS-in məlumatına görə, layihə çərçivəsində binada bir sıra söküntü və bərpa işlərinin həyata keçirilməsi planlaşdırılır.

Tenderin icrası binanın təhlükəsizliyinin və enerji səmərəliliyinin artırılmasına, eləcə də əməkdaşlar üçün daha yaxşı iş şəraitinin və mərkəzin xidmət keyfiyyətinin yüksəldilməsinə imkan verəcək.

Layihə həm dövlət əmlakının müasir standartlara uyğunlaşdırılmasına, həm də yerli tikinti sektorunda yeni iş imkanlarının yaranmasına töhfə verəcək.