Koronavirusdan qorunmaq üçün təlimatlar hazırlanıb - Hamı əldə etməlidir

“Karantin tədbirləri yumşaldıqca tətbiq ediləcək qaydalar üzrə 6 metodik göstəriş hazırlanıb”.

BAKU.WS xəbər verir ki, bunu Nazirlər Kabineti yanında Operativ Qərargahın təşkil etdiyi mətbuat konfransında TƏBİB-in İdarə Heyətinin sədri Ramin Bayramlı deyib.

Həmin təlimatlar aşağıdakı sahələr üzrə hazırlanıb:

1. Vətəndaş qəbulunu həyata keçirən qurumlar
2. İctimai nəqliyyatda davranış qaydaları barədə göstərişlər
3. Qida məhsullarının ticarəti ilə məşğul olan müəssisələr
4. Turizm və hotelçilik
5. İctimai iaşə müəssisələri
6. Müxtəlif ticarət sahələri, ofislər və xidmət sahələri

R.Bayramlı qeyd edib ki, təlimatlar yaxın günlərdə təsdiq ediləcək:

“Bütün işləyənləri və iş rəhbərlərini həmin təlimatları əldə etməyə və riayət etməyə çağırırıq. Həmin təlimatlar koronavirus.info.az saytında yerləşdiriləcək”.