Kibercinayətkarlar bu domenlə yeni dələduzluq platforması yaradıblar
Kiberdələduzlar tərəfindən "app.ctost.com" domeni altında dələduzluq platforması yaradılıb.
Bu barədə BAKU.WS-ə Elektron Təhlükəsizlik Xidmətindən (ETX) bildirilib.
"Belə ki, platforma vasitəsilə vətəndaşlar maliyyə piramidasına cəlb olunaraq asan qazanc vədləri təklif edilir. Dələduzluq prosesi zamanı vətəndaşa sorğu forması göndərilir və forma doldurulduqdan sonra ona məxsus hesab yaradılır. Növbəti mərhələdə hesaba daxil olmaq üçün şifr və giriş keçidi göndərilir",- deyə məlumatda qeyd olunub.
Qeyd edək ki, bu dələduzluq növündə əsas məqsəd vətəndaşda inam yaradaraq platformaya daha yüksək məbləğlərin köçürülməsidir.
Elektron Təhlükəsizlik Xidməti vətəndaşlara belə hallara qarşı diqqətli olmağı, asan qazanc vədlərinə aldanmamağı, şübhəli keçidlər vasitəsilə fərdi məlumatlarını qarşı tərəfə ötürməməyi tövsiyə edir.
Oxşar xəbərlər
Bakıda avtobus zolaqlarının uzunluğu nə qədər olacaq? - RƏSMİ CAVAB
Avtobus zolaqları şəhər nəqliyyatında hərəkətin daha səmərəli və təhlükəsiz olmasını təmin etmək üçün yaradılıb. Bu zolaqların əsas məqsədi ictimai nəqliyyatın...