İcbari Tibbi Sığortaya ən çox müraciət nəylə bağlıdır? - RƏSMİ

İcbari Tibbi Sığorta (İTS) çərçivəsində vətəndaşların müraciətləri əsasən müayinə və müalicə, göndərişlər, dərman və tibbi sərf materialları ilə bağlı olur.

Agentlikdən BAKU.WS-ə bildirilib ki, əhali ilə effektiv ünsiyyətin qurulması, sığorta xidmətlərinə çıxış imkanlarının artırılması və müraciətlərin operativ həlli prioritet istiqamətlərdəndir. Bunun üçün 1542 Çağrı Mərkəzi, its.gov.az portalındakı zəng sifarişi, elektron müraciət, onlayn çat bölmələri və sosial media kanalları vasitəsilə müraciət imkanı yaradılıb.

Bundan əlavə, regional filiallarda vətəndaşlar birbaşa filial rəhbərləri ilə görüşərək problemlərini bildirə bilirlər. Daxil olan hər bir müraciət araşdırılır və müvafiq tədbirlər görülür.

Şahanə Xankişiyeva