Güclü külək qərb bölgəsinin bir sıra ərazilərini işıqsız qoydu

Güclü külək qərb bölgəsinin bir sıra ərazilərini işıqsız qoyub.

Belə ki, Qazax, Ağstafa və Tovuzda küləkli hava şəraiti nəticəsində elektrik enerjisinin verilişində fasilələr yaranıb.

Məsələ ilə bağlı "Azərişıq" ASC-dən Oxu.Az-ın sorğusuna cavab olaraq bildirilib ki, irigövdəli ağacın aşması nəticəsində bir sıra ərazilərdə elektrik enerjisinin verilməsində məhdudiyyət yaranıb.

Hazırda problem aradan qaldırılıb.