Gömrük Hospitalına yarım milyonluq tibbi ləvazimatlar ALINACAQ

Azərbaycan Respublikasının Dövlət Gömrük Komitəsinin Tibbi Xidmət İdarəsinin Mərkəzi Hospitalı laboratoriya və digər tibbi sərf materiallarının satın alınması ilə bağlı açıq tender elan edib.

BAKU.WS-in məlumatına görə, tenderin ümumi dəyəri 594.468,56 AZN təşkil edir.

Satın alınacaq materiallar – xüsusən trakeostomiya filtrləri, yara bandları, burun tamponları və cərrahi xalatlar – hospitalın gündəlik tibbi fəaliyyətlərində mühüm rol oynayır. Keyfiyyətli və müasir materialların istifadəsi pasiyentlərə göstərilən xidmətin daha təhlükəsiz və səmərəli olmasını təmin edəcək.