Gənclərdən Milli Qəhrəmanlarımıza böyük sevgi - VİDEO

Gənc rəssam Elnur Şirinov Biləcəri qəsəbəsində yerləşən divarlardan birində Milli Qəhrəmanlarımız Polad Həşimov, Raquf Orucov, Mehdi Hüseynzadə və Mübariz İbrahimovun şəkillərini çəkib.

BAKU.WS xəbər verir ki, Azərbaycanın qəhrəmanlarını tanıtmaq məqsədi daşıyan bu aksiya böyük maraqla qarşılanıb.

Layihənin ideya müəllifi ictimai fəal və jurnalist Ağa Mehdiyev olub. Onun özü cəbhə bölgəsində olduğu üçün təqdimatı Elnur Şirinov edib.

"Biz divar rəsmlərinə başlayanda küçədən keçən uşaqlar və böyüklər, həqiqətən, maraq göstərirdilər. Uşaqlar şəkillərin kimlərə məxsus olduğunu soruşurdular. Mən də onlara Milli Qəhrəmanlar barədə məlumat verirdim", - deyə gənc rəssam bildirib.