Gəncə Beynəlxalq Hava Limanı gücləndirilmiş iş rejiminə keçdi - FOTO

Korona virusu ilə bağlı Gəncə Beynəlxalq Hava Limanı gücləndirilmiş iş rejiminə keçib.

BAKU.WS-in bölgə müxbirinin verdiyi məlumata görə, aparılan tədbirlər çərçivəsində sərhəd gömrük keçid məntəqəsində Gəncə şəhərinə gələn bütün sərnişinlər yoxlanılır.

Sərnişinlər "termo vizor", yəni termal kameralar vaisətəsi ilə yoxlanılır.

Bundan əlavə hərarətin yoxlanılması üçün əlavə tibbi cihazlardan istifadə edilir.

Hava limanında çalışanlar, eləcə də sərnişinlərin əksəriyyəti qoruyucu maskalar taxıb.

Hərarəti olan şəxslər birbaşa Hava Limanından Gəncə şəhər Təcili Tibbi Yardım Stansiyasının briqadaları tərəfindən Gəncə Yoluxucu Xəstəliklər Xəstəxanasına aparılıb.

Bu günə kimi sözügedən virus aşkar olunmayıb.

Bəzi hərarəti olan şəxslər müəyyən edilib ki, həmin şəxslər də müayinədən sonra evə buraxılıblar.

Qalereya