Florida Universitetində silahlı hücum: 2 ölü, 6 yaralı

ABŞ-nin Florida ştatında yerləşən Florida Dövlət Universitetində silahlı insident baş verib.

BAKU.WS sondakika-ya istinadən xəbər verir ki, hücum nəticəsində 2 nəfər həyatını itirib, 6 nəfər isə yaralanıb.

Hadisə ilə bağlı keçirilən mətbuat konfransında Leon bölgəsinin şerifi Uolt MakNeyl və polis əməkdaşı Ceyson Trambauer ətraflı məlumat veriblər. Bildirilib ki, hücumda şübhəli bilinən şəxs – 20 yaşlı Feniks İkner artıq saxlanılıb. Şerifin sözlərinə görə, İkner hücumu anasına məxsus silahla həyata keçirib.

Polisin məlumatına əsasən, hadisə nəticəsində ölən şəxslər tələbə olmayıb. Yaralanan 6 nəfərin xəstəxanada müalicəsi davam edir.

Hadisə ilə bağlı araşdırmalar aparılır. Rəsmilər ictimaiyyəti təmkinli olmağa çağırıb.