Dövlət avtomobilləri satışa çıxır - "Hyundai Sonata" 7500, BMW-730 21000 AZN (QİYMƏTLƏR)

Azərbaycanda 10 aprel tarixində hərraca çıxarılacaq nəqliyyat vasitələrinin siyahısı açıqlanıb. BAKU.WS-in məlumatına görə, hərraca çıxarılan nəqliyyat vasitələri dövlət orqanlarına məxsusdur. 10- cü sətirdə Azərbaycan Respublikası Daxili Işlər Nazirliyi Maddi-Texniki Təminat Baş İdarəsinə bilavasitə tabe olan Avtomobil Təsərrüfatının balansında olan nəqliyyat vasitəsinin 13.02.2018-ci il tarixində keçirilmiş hərracının nəticəsi ləğv olduğu üçün təkrar olaraq hərraca çıxarılıb.Qeyd edək ki, sifarişlər Azərbaycan Respublikası Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində (Bakı şəhəri, Zeynal Xəlil küçəsi 11) və yaxud e–emdk.gov .az elektron portalı vasitəsilə hərracın keçirilməsinə ən gec 3 (üç) bank günü qalanadək qəbul olunacaqdır: Nəqliyyat vasitələri barədə ətraflı məlumatı privatization.az portalından almaq olar. Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi,nizamnaməsi və VÖİN)Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir)tel:566-07-44ŞahinBAKU.WS

S/N	Balanssaxlayıcı müəssisənin adı	Avtonəqliyyat vasitəsinin markası	Buraxılış ili	Start qiyməti(manatla)	10% beh(manatla)
1.	Azərbaycan Respublikasının Nazirlər Kabineti Aparatının İşlər İdarəsi	BMW 730	2006	21000	2100
2.	Azərbaycan Respublikasının Nazirlər Kabineti Aparatının İşlər İdarəsi	Chevrolet Epica	2008	8100	810
3.	Azərbaycan Respublikasının Nazirlər Kabineti Aparatının İşlər İdarəsi	Chevrolet Epica	2007	7800	780
4.	Azərbaycan Respublikasının Energetika Nazirliyi	Hyundai Sonata	2008	8500	850
5.	Azərbaycan Respublikasının Energetika Nazirliyi	Hyundai Sonata	2007	7500	750
6.	Azərbaycan Respublikasının Energetika Nazirliyi	Ford Mondeo	2006	4500	450
7.	Azərbaycan Respublikasının Energetika Nazirliyi	Ford Fokus	2007	4000	400
8.	Azərbaycan Respublikasının Energetika Nazirliyi	QAZ-3110-101	2003	1300	130
9.	Azərbaycan Respublikasının Dövlət Statistika Komitəsinin Şabran rayon Statistika İdarəsi	VAZ-21041	2008	1600	160
10.	Azərbaycan Respublikası Daxili Işlər Nazirliyi Maddi-Texniki Təminat Baş İdarəsinə bilavasitə tabe olan Avtomobil Təsərrüfatı	Mercedes Benz Daimler	1987	1500	150