Diqqət! Yerdə bu tarixlərdə güclü geomaqnit qasırğaları olacaq

Günəşdə aktiv oblastlarda baş verən güclü alışmalar hesabına oktyabrın 5-6-da Yerdə güclü geomaqnit qasırğası baş verəcək.

Bakı Dövlət Universitetinin Astrofizika kafedrasından BAKU.WS-ə verilən xəbərə görə, Günəş aktivliyinin artması hesabına M sinif (R1-R2-minor-radiodalğaların yayılmasını zəif əngəlləyə bilən) alışmaların, eyni zamanda, X (R3-güclü) alışmaların olacağı proqnozlaşdırılır.

Bu gün saat 12 radələrindən başlayaraq 6 oktyabr da daxil olmaqla Yerin geomaqnit sahəsində qasırğalar müşahidə olunacaq. Oktyabrın 5-6-da geomaqnit qasırğalar G3 (güclü) səviyyədə baş verəcək.

Oktyabrın 6-dan etibarən geomaqnit qasırğasının zəifləyəcəyi, fon səviyyəsinə düşəcəyi proqnozlaşdırılır.