DİM-in Naxçıvandakı binasında təmir işləri aparılacaq

Dövlət İmtahan Mərkəzi (DİM) Naxçıvan Regional Bölməsində cari təmir və texniki yenilənmə işlərinin həyata keçirilməsi üçün tender elan edib.

BAKU.WS-in məlumatına görə, satınalma işləri çərçivəsində binada elektrik və mühəndis-kommunikasiya sistemlərinin yenilənməsi, o cümlədən avtomatlaşdırılmış elektrik avadanlıqlarının quraşdırılması nəzərdə tutulur.

Layihənin məqsədi DİM-in Naxçıvan Regional Bölməsinin idarə və xidmət infrastrukturunun müasir standartlara uyğunlaşdırılmasıdır.

Bu təşəbbüs DİM-in regionlarda fəaliyyətinin gücləndirilməsi, təhsil və qiymətləndirmə infrastrukturunun dayanıqlı inkişafı istiqamətində atılan mühüm addımlardan biri kimi qiymətləndirilir.