Buzovna sakinləri çimərliklərə çəkilmiş hasarların bir hissəsinin sökülməsinə nail olublar - FOTO

Bakının Xəzər rayonunun Buzovna kəndinin sakinləri Xəzər sahilinə səfərə mane olan hasarlara qarşı, eləcə də kənd çimərliyinin təmizliyi üçün mübarizəni davam etdirirlər.

BAKU.WS "Caliber"ə istinadla xəbər verir ki, sakinlər bir araya gələrək sahilyanı obyektlərin sahiblərindən çimərliyə girişə mane olan çoxsaylı hasarlardan üçünün sökülməsini tələb ediblər.

Sözügedən bu hasarlar təxminən bir ay əvvəl çəkilib. İstəklərinə nail olan Buzovna sakinləri bununla qane olmayaraq mübarizələrini davam etdirməyi düşünürlər.