Bu il cəzaçəkmədən azad edilən neçə nəfərə birdəfəlik müavinətlər verilib?

1 iyul 2025-ci ilə olan vəziyyətə görə, ölkə üzrə penitensiar müəssisələrdə cəza çəkməkdən azad edilmiş tibbi və sosial yardıma ehtiyacı olan 2 800 şəxsə birdəfəlik müavinət təyin edilərək ödənilib.

Bu barədə Dövlət Statistika Komitəsi məlumat yayıb.

Qeyd edək ki, penitensiar müəssisələrdə cəza çəkməkdən azad edilmiş, tibbi və sosial yardıma ehtiyacı olan Azərbaycan vətəndaşları və ya Azərbaycanda daimi yaşayan vətəndaşlığı olmayan şəxslər minimum aylıq əməkhaqqının dörd misli məbləğində (hazırda 1600 manat) birdəfəlik müavinətlə təmin edilirlər.