Bloger Elnur Jalina toyda toplanan pulun bir hissəsini küçə təmizlik işçilərinə paylayıb
Bloger kimi tanınan Elnur Lətifov (Elnur Jalina) şəxsi toy mərasiminin ardından xeyriyyəçilik addımı ilə diqqət mərkəzinə düşüb.
Belə ki, o, toyda toplanan pulun bir hissəsini maddi vəziyyəti nisbətən ağır olan vətəndaşlara, o cümlədən küçə təmizlik işçilərinə paylamaqla gündəmə gəlib.
Elnur Lətifov bu barədə danışaraq bildirib ki, həmin addımın məqsədi cəmiyyətdə xeyriyyəçilik mədəniyyətini təşviq etməkdir. Onun sözlərinə görə, imkanı olan hər kəs ehtiyac sahiblərinə dəstək olmalıdır və bu kimi təşəbbüslər cəmiyyətdə həmrəyliyi möhkəmləndirməyə xidmət edir.
Küçə təmizlik işçiləri bu jesti yüksək qiymətləndirdiklərini ifadə edərək, belə diqqətin onların əməyinə verilən dəyərin göstəricisi olduğunu vurğulayıblar.
Blogerin bu addımı sosial şəbəkələrdə geniş müzakirəyə səbəb olub. İstifadəçilərin böyük əksəriyyəti Elnur Lətifovun davranışını alqışlayaraq, bu cür nümunələrin gənc nəsil üçün önəmli olduğunu qeyd ediblər.
Oxşar xəbərlər
Mənzili olanlara VACİB XƏBƏR: Sığortasız evlərə görə cərimələnə bilərsiniz
Azərbaycanda daşınmaz əmlakın icbari sığortası sahəsində illərdir davam edən durğunluğu aradan qaldırmaq və vətəndaşların əmlakını daha etibarlı qorumaq məqsədi...