Bir “WhatsApp”ı 4 cihazda necə istifadə edək? - Yeni funksiya haqqında - FOTO

“WhatsApp” android cihazlar üçün yeni versiyanı təqdim edib. Gələn yeniləmə ilə artıq tətbiqi birdən çox telefonda istifadə etmək mümkündür.

BAKU.WS xəbər verir ki, indiyədək bir cihazda yalnız bir vatsap hesabından istifadə edilirdi.

Bu yeni funksiya ilə artıq vatsap hesabı eyni vaxtda və bir-birindən asılı olmayaraq 4 smartfonda istifadə edilə bilər. Əlavə edilmiş yeni cihazlar avtomatik olaraq sinxronlaşdırılacaq ki, istifadəçi heç bir mesajı qaçırmasın.

Bəs yeni vatsap 4 fərqli cihazda necə istifadə olunacaq?

- Əvvəlcə ikinci cihazda vatsapı quraşdırın və əsas ekrana toxunun.

- "Cihazı birləşdirin" üzərinə toxunun.

- Əsas cihaza keçin və "Qoşulmuş Cihazlar" menyusuna daxil olun.

- Əsas telefonunuzda "Cihazı birləşdirin" üzərinə klikləyin.

- İkinci cihazla əsas cihazdan QR kodunu oxudun.

Versiya hazırda yalnız WhatsApp beta versiyasında istifadə olunur.

iPhone sahibləri və vatsapın digər versiyalarının istifadəçiləri rəsmi buraxılışa qədər gözləməli olacaqlar.