Bəzi abituriyentlər sual kitabçalarına qeyd əvəzinə öz mobil nömrələrini və ya "hörmət edəcəm" yazır

Bəzi abituriyentlər imtahanlarda onlara təqdim olunan sual kitabçalarına qeyd əvəzinə "hörmət edəcəm" yazırlar.

BAKU.WS "Report"a istinadən xəbər verir ki, bunu Dövlət İmtahan Mərkəzinin (DİM) Bacarıqların, vərdişlərin qiymətləndirilməsi və markerlərlə iş şöbəsinin müdiri Aydın Qasımov deyib.

DİM rəsmisi bildirib ki, imtahanlarda yazılı cavab tələb edən tapşırıqlara bəzi abituriyentlər öz mobil nömrələrini və ya "hörmət edəcəm" qeydlərini yazır:

"Abituriyentlər belə yazaraq tapşırıqdan müsbət bal alacağını düşünür. Amma yoxlama zamanı əlbəttə ki, həmin tapşırıq üçün bal yazılmır".