Bakıdan Londona və əks istiqamətdə səyahət edən sərnişinlərin nəzərinə

Londonun Hitrou (LHR) hava limanı tərəfindən qoyulan məhdudiyyətlərlə əlaqədar AZAL aviaşirkətinin Bakı-London-Bakı reysinin iyulun 19-na olan uçuş cədvəlində dəyişiklik edilib.

Bu barədə AZAL-dan BAKU.WS-ə məlumat verilib.

Belə ki, Bakıdan Londona uçuş saat 11:55-də, London-Bakı marşrutu üzrə uçuş isə saat 15:55-də (yerli vaxtla) həyata keçiriləcək.

Sözügedən reysin sərnişinləri əlavə suallarla bağlı aviaşirkətin callcenter@azal.az ünvanına müraciət edə bilərlər.