Bakıda maşınların yolunu kəsən şəxslə bağlı DİN-dən AÇIQLAMA

Bakıda sağlamlıq problemi olan şəxs avtomobillərin qarşısını kəsməyə cəhd edib.

BAKU.WS xəbər verir ki, bu barədə görüntülər sosial şəbəkədə yayılıb.

Hadisə Nəsimi rayonu, "28 May" metrostansiyası yaxınlığında qeydə alınıb.

DİN-in Mətbuat Xidmətinin əməkdaşı polis leytenantı Lumu İsrəfilli BAKU.WS-ə bildirib ki, həmin şəxs polis əməkdaşları tərəfindən saxlanılaraq sağlamlıq vəziyyəti nəzərə alınmaqla aidiyyəti üzrə ixtisaslaşdırılmış tibb müəssisəsinə yerləşdirilməsinin təmin olunması üçün tədbirlər görülür.