Bakı–Tbilisi qatar biletlərinin qiyməti ENƏCƏK? - RƏSMİ AÇIQLAMA

Hazırda Bakı-Tbilisi-Bakı marşrutu üzrə biletlərin qiymətlərində ciddi endirimlə bağlı müzakirələr aparılmır.

BAKU.WS "Report"a istinadən xəbər verir ki, bunu "Azərbaycan Dəmir Yolları" QSC-nin (ADY) Sərnişin daşımaları departamentinin rəisi Azər Fərəcov jurnalistlərə açıqlamasında bildirib.

Onun sözlərinə görə, hazırda bu istiqamətə biletlər minimal qiymətlərlə satışa təqdim olunub.

A.Fərəcov qeyd edib ki, köhnə tipli qatarların yenilərə qoşulması ilə bağlı hər hansı bir risk və təhlükə yoxdur: "Bu, texniki istismar qaydalarına uyğundur və qoşulan vaqonlar həmin qatarın sürəti ilə və funksionallığı ilə hərəkət edəcəklər".