"Bakı Metropoliteni"ndə yeni təyinat

"Bakı Metropoliteni" QSC-nin Maliyyə departamentinə yeni rəis təyin edilib.

BAKU.WS xəbər verir ki, bu barədə "Bakı Metropoliteni" QSC məlumat yayıb. 

Asəf İsgəndərli "Bakı Metropoliteni" QSC-nin Maliyyə departamentinə rəis təyin edilib.

Qeyd edək ki, Asəf İsgəndərli 1990-cı ildə anadan olub. 2008-2012-ci illərdə Qafqaz Universitetinin İqtisadiyyat və idarəetmə fakültəsində Maliyyə ixtisası üzrə bakalavr, 2013-2015-ci illərdə həmin fakültədə Maliyyə menecmenti ixtisası üzrə magistr təhsili alıb.

2013-2017-ci illərdə Qafqaz Universiteti və Bakı Mühəndislik Universitetində pedaqoji fəaliyyətlə məşğul olub, 2017-2025-ci illərdə "Veysəloğlu-Yaycılı Qardaşlar" MMC-də və "Azərsun Holdinq" MMC-də maliyyə sahəsində müxtəlif rəhbər vəzifələrdə çalışıb.