AZTV-dən üzr istədilər

Azərbaycan Televiziya və Radio Verilişləri" QSC (AZTV) ilə bağlı yanlış məlumatlar yayan sayt üzr istəyib.

BAKU.WS apa-ya istinadən xəbər verir ki, "Metbuat.az" xəbər portalı 5 noyabrda "AzTV sədri buna görə vurulurmuş" başlığı ilə yayımlanan məqaləyə görə üzr istəyib.

Portal təkzib mətnində qeyd edib ki, məqalə "redaksiyaya göndərilən məlumatlar əsasında hazırlanıb": "Təəssüf ki, hazırladığımız məqalə sosial şəbəkə platformalarında mövcud olan bir sıra qruplar və səhifələr tərəfindən təkrarən paylaşılarkən, ona əsası olmayan əlavələr edilib, təhriflərə yol verilib".

Portal məlumatın hazırlanmasında və saytda yerləşdirilməsində mənfi niyyət olmadığını, "AzTV-nin və onun rəhbərliyinin fəaliyyətinə kölgə salmaqdan uzaq" olduğunu da qeyd edib. "Metbuat.az" saytı məlumatı silib və AZTV-dən üzr istəyib.