Azərbaycanda meyit donordan ürək köçürülən şəxsin son durumu açıqlandı

Bakıda meyit donordan ürək köçürülən 19 yaşlı Rəşad Məmmədəliyev xəstəxanadan evə buraxılıb.

BAKU.WS xəbər verir ki, bu barədə report-un sualını cavablandırarkən Orqan Donorluğu və Transplantasiyası üzrə Koordinasiyası Mərkəzinin İdarə Heyətinin sədri Yeganə Abbasova açıqlama verib.

Onun sözlərinə görə, R.Məmmədəliyevin vəziyyəti kafidir:

"Pasiyent artıq Mərkəzi Klinikadan evə buraxılıb. Onun durumu nəzarətdə saxlanılır. Ayda və ildə bir dəfə orqan transplantasiyası edilmiş şəxsin vəziyyəti haqqında məlumatlar vahid informasiya sisteminə daxil olur. Bununla da onun durumu daim diqqətdə saxlanılır".