Azərbaycanda koronavirusla bağlı son durum

Bu günədək Azərbaycanda 1766 nəfərin koronavirus infeksiyasına yoluxması faktı müəyyən edilib, onlardan 1267 nəfər müalicə olunaraq sağalıb.

Bu barədə BAKU.WS Nazirlər Kabineti yanında Operativ Qəraragaha istinadən məlumat yayıb.

Məlumata əsasən, indiyədək virus 23 nəfərin ölümünə səbəb olub, 476 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 18 nəfərin vəziyyəti ağır, 26 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 137.379 test aparılıb.