Azərbaycanda ali təhsilin bakalavriat səviyyəsi üzrə YENİ İXTİSAS YARADILDI

Nazirlər Kabineti ali təhsil ixtisaslarının təsnifatı ilə bağlı qərara dəyişiklik edib.

BAKU.WS xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, Azərbaycan Respublikası Nazirlər Kabinetinin 2024-cü il 2 dekabr tarixli 503 nömrəli qərarı ilə təsdiq edilmiş "Ali təhsilin bakalavriat səviyyəsi üzrə ixtisasların Təsnifatı"na yeni bənd əlavə olunub.

Dəyişikliyə əsasən, təsnifata 6.46-cı bənd daxil edilib və "Daşınmaz əmlakın idarə olunması" ixtisası əlavə edilib.